సామెతలు Proverbs

సామెతలు Proverbs

తెలంగాణలో తెలుగు సాహిత్య వికాసం - Telanganalo Telugu Sahitya vikaasam

తెలంగాణలో తెలుగు సాహిత్య వికాసం 

 Telanganalo Telugu Sahitya vikaasam

తెలంగాణ సారస్వత పరిషత్తులో జరిగిన పండిత సభల్లో వివిధ పండితులు ఆచార్యులు సమర్పించిన వ్యాస రత్నాలిందులో ఉన్నాయి.

గోదావరి జిల్లాలు - సాహిత్య సంస్థలు ద్వా నా శాస్త్రి Godavari Jillalu - Sahitya Samsthalu D N Shastri

 గోదావరి జిల్లాలు - సాహిత్య సంస్థలు  ద్వా నా శాస్త్రి  Godavari Jillalu - Sahitya Samsthalu  D N Shastri

ద్వా నా శాస్త్రి

ప్రముఖ పండితుడు ద్వాదశి నాగేశ్వర శాస్త్రి గారి గురించి వినని సాహిత్య ప్రేమికులుండరు. 

సమగ్ర ఆంధ్ర సాహిత్యం - Samagra Andhra Sahithyam ఆరుద్ర Arudra

సమగ్ర ఆంధ్ర సాహిత్యం - Samagra Andhra Sahithyam  

ఆరుద్ర Arudra

 

   గతంలో  ఆరుద్ర రచనలు, ఆరుద్ర నాటికలు పేరిట అంతర్జాలంలో లభిస్తున్న ఆరుద్రగారి రచనలను అందిచే ప్రయత్నం చేసింది తెలుగుపరిశోధన.  

    

'ఆరుద్ర'  ఆరోగ్యాన్ని హరించిన 'సమగ్ర ఆంధ్ర సాహిత్యం'

సమగ్ర ఆంధ్ర సాహిత్యం కోసం 

ఆరుద్ర తన  ఆరోగ్యాన్ని సైతం లెక్కచేయకుండా  శ్రమించారు.

మనకు తెలియని మన తెలుగు సాహిత్య చరిత్రను  ఇదిగో ఇట్లా మన చేతుల్లో  అపురూపంగా పెట్టి తన దారిన తాను వెళ్లి పోయిన  దార్శనికుడు ఆరుద్ర.  

తాను విపరీతంగా సేకరించిన  కట్టల కట్టల,  గుట్టల గుట్టల  పాత పుస్తకాలు, సంచికలు,  రాసుకున్న నోటు పుస్తకాలు, తదితర సరంజామా... అంతా కలిసి  'డస్ట్ ఎలర్జీ 'గా మారి  ఆరుద్ర  ప్రాణానికి ప్రమాదం గా మారాయి. కంటి చూపు కూడా  దాదాపు సన్నగిల్లింది .ఇదే విషయాన్ని వారు సమగ్ర ఆంధ్ర సాహిత్యం మొదటి సంపుటికి రాసిన ముందు  మాట లో స్పష్టంగా   రాశారు.

 '1965 జనవరి నెల నుండి సమగ్ర ఆంధ్ర సాహిత్యం సంపుటాల రచనకు ఉపక్రమించాను. సమగ్రత దెబ్బ తినకూడదని సంపుటాల సంఖ్యను పెంచి అదనపు యుగాలను, ఉపయుగాలను,  చేర్చవలసి వచ్చింది. 1965 ఏప్రిల్ నెల నుండి నవంబర్ నెల దాకా ఎనిమిది నెలలు క్రమం తప్పకుండా ఆసాంతం రచన చేసి  సమగ్ర ఆంధ్ర సాహిత్యం సంపుటాలను అచ్చు ఇవ్వడంతో నా ఆరోగ్యం పూర్తిగా దెబ్బతిన్నది. టెన్షన్ వల్ల రావలసిన రుగ్మతలు వచ్చాయి. గత సంవత్సరం నా రెండు కళ్ళ   ఆపరేషన్  జరగడం వల్ల  గ్రంథరచన కార్యక్రమానికి వీలు కలిగింది' 

నిజానికి,సమగ్ర ఆంధ్ర సాహిత్యం  అనేది  ఏదైనా ఒక పెద్ద యూనివర్సిటీ  పూనుకొని చిత్తశుద్ధితో చేయవలసిన పని. కానీ దాన్ని ఒక వ్యక్తి శక్తిగా మారి  తయారుచేయడం అంటే మాటలు కాదు.సమగ్ర సాహిత్య చరిత్రను ఒక చోటికి చేర్చడానికి పగలూ రాత్రీ కష్టపడ్డారు.ఒక సాహితీ యజ్ఞమ్ చేసారు.ఈ రోజుకు కూడా మనకు  ఎవరో ఒక తెలుగు సాహిత్య కారుడి గురించి తెలుసుకోవాలంటే కూడా మనం ముందు చేతికి 'సమగ్ర ఆంధ్ర సాహిత్య చరిత్ర' అందుకోక తప్పదు.నిజమైన పరిశోధన అంటే అదే.దటీజ్ ఆరుద్ర ! 

తెలుగు  ఒక సబ్జెక్టుగా స్వీకరించి  పోటీ  పరీక్షలు రాసి  ఉద్యోగాలు పొందిన వారు కావచ్చు,  ఇప్పుడు ఇంకా ప్రిపేర్ అవుతున్న వారు కావచ్చు,  తెలుగు అధ్యాపక,  ఉపాధ్యాయ  ఉద్యోగాల్లో ఉన్నవారు కావచ్చు... అందరి మొదటి చూపు 'సమగ్ర ఆంధ్ర సాహిత్యం' పైనే ఉంటుంది. అది ఒక అక్షయ పాత్ర. 

సమగ్ర ఆంధ్ర సాహిత్యం- సంపుటాలు;

పూర్వ యుగము, చాళుక్య చోళ కాలము - (800-1200)

 కాకతీయుల కాలము (1200-1290)

పద్మనాయకుల కాలము (1337-1399)

రెడ్డిరాజుల కాలము (1400 - 1450)

రాయల ప్రాంభ కాలము (1450 - 1500)

రాయల అనంతర కాలము (1500 - 1550)

నవాబుల కాలము (1550 - 1600)

నాయకుల కాలము (1600 - 1670)

అనంతర నాయకుల కాలము (1670 - 1750)

కంపెనీ కాలము (1750-1850)

జమీందారుల కాలము (1850 - 1900)

ఆధునిక కాలము (1900 తరువాత)

#మనమిప్పుడు ఏమి చెయ్యాలి ? మన తెలుగు సాహిత్య చరిత్రను భావితరాల వారికి, మన పిల్లలకు చెప్పడానికి , గుర్తు చెయ్యడానికి తప్పనిసరిగా  'సమగ్ర ఆంధ్ర సాహిత్య చరిత్ర'

ను మీ ఇంట్లో ఉండేలా చూసుకోండి. అది తెలుగు వారి సాహిత్య సంపద. తెలుగు సాహిత్య బంగారు కలశం. మన తెలుగు అక్షర సారధుల సామ్రాజ్యం.

ఈ తెలుగు నేల పైన తెలుగు అక్షరం ప్రసాదించిన వెలుగు.

'సమగ్ర ఆంధ్ర సాహిత్య చరిత్ర'.

ఒక సాహిత్య కారుడు  తన ఆరోగ్యాన్ని అర్పించి ఒక తపస్సులా  తెలుగు సాహిత్య సేకరణ ఎలా చేసాడో ఆ సంపుటాలను చూస్తే మీకు మన 'తెలుగు సాహిత్య వైభవం' కళ్ళముందు కదలాడుతుంది.

ఈ సంపుటాలు ఉన్నంతకాలం తెలుగువారి సాహిత్య విజయ బావుటా లోకానికి చాటి చెప్తూనే ఉంటుంది. మనం  నడిచివచ్చిన కాలాన్ని గుర్తు చేస్తూనే ఉంటుంది. మన  తెలుగు మూలాలు,  వేర్లు ఎంత  శక్తివంతమైన, బలమైన ,  దృఢమైన  నేపథ్యాన్ని  పటిష్టంగా కలిగిఉన్నాయో, అట్లా  దేదీప్యమానంగా  గుర్తు చేస్తూనే ఉంటుంది.

ఏమి ఆశించి చేస్తారు  మహానుభావులు ఇంతటి గొప్ప పనులు? అందుకే వారు చరిత్ర పేజీల్లో  నిలిచిపోయిన సాహిత్య నిర్మాతలు!

తెలుగు వారి సాహిత్య చరిత్రను  సమగ్రంగా సేకరించి,  సంస్కరించి,   పరిష్కరించి భద్రపరిచి  ఇలా  మనకు కానుకగా అందించిన మహనీయుడు,  నిజమైన  సాహిత్యకారుడు ఆరుద్ర.  వారికి అక్షర నివాళి.

    తెలుగు భాషాసాహితీ ప్రేమికులకు అపురూప గ్రంథాలను అందించే ప్రయత్నం నిరంతరం చేసే తెలుగుపరిశోధన గతంలో తెలుగు సాహిత్య చరిత్రకు సంబంధించిన గ్రంథాలను అందించే ప్రయత్నం చేసింది. అవి -

1. వీరేశలింగం పంతులు - కవుల చరిత్ర
2. కాశీనాథుని నాగేశ్వర్ రావు - ఆంధ్రవాఙ్మయ చరిత్ర
3. దివాకర్ల వేంకటావధాని - ఆంధ్ర వాఙ్మయ చరిత్ర
4. పింగళి లక్ష్మీకాంతం - ఆంధ్ర సాహిత్య చరిత్ర

ఇప్పుడు ఎంతో కాలంగా ఎదురుచూస్తున్న ఆరుద్రగారి అపురూప పరిశోధనాత్మక రచన ఈ సమగ్రాంధ్ర సాహిత్య గ్రంథాన్ని మీ ముందుకు తెస్తున్నాం. ఎప్పటిలాగానే ఈ గ్రంథాన్నీ ఆదరిస్తారని ఆశిస్తున్నాము.

ఈ గ్రంథాన్ని దిగుమతి చేసుకోవడానికి ........

సమగ్ర ఆంధ్ర సాహిత్యం - ఆరుద్ర

   లంకె పై నొక్కండి.

ఈ టపాను మీ సాంఘికసంపర్కజాలంలో పంచుకొండి. ఇంకొందరికీ ఈ టపా ఉపయోగ పడుతుంది, మీరూ వారికి మేలు చేసినవారవుతారు. మీ రా పని చేస్తారనే నమ్మకంతో ముందుగానే ధన్యవాదాలు.

ఆధునిక భాషాశాస్త్ర సిద్ధాంతాలు Adhunika Bhasha Shastra Siddhantalu

ఆధునిక భాషాశాస్త్ర సిద్ధాంతాలు

 Adhunika Bhasha Shastra Siddhantalu

Dr.పి.యస్.సుబ్రహ్మణ్యం Dr.P.S.Subrahmanyam

Dr.పి.యస్.సుబ్రహ్మణ్యం జగమెరిగిన  భాషాశాస్త్రపండితులు. వారు తెలుగులో అందించిన రెండు అపురూపగ్రంథాలు -

1. ఆధునిక భాషాశాస్త్ర సిద్ధాంతాలు
2. ద్రావిడభాషలు

ఇందులో మొదటి గ్రంథాన్ని  మేము మీకు అందిస్తున్నాము. రెండవపుస్తకం అంతర్జాలంలో లభించడం లేదు.

అన్నట్టు, ఈ రెండుపుస్తకాలను తెలుగువిశ్వవిద్యాలయంవారు ముద్రించి అమ్ముతున్నారు. మీరూ ఒకప్రతి కొని పెట్టుకొండి. లేదంటే, అవి దొరకనప్పుడు బాధ పడతారు.

ఈ పుస్తకాలను తెలుగు భాషాసాహిత్యాభిమానులు,భాషాశాస్త్రాభిమానులు,విద్యార్థులు, పోటీ పరీక్షల్లో పాల్గొనేవారు, ఉపాధ్యాయులు..... ఒకమాటలో చెప్పాలంటే, ప్రతి యింట ఉండదగిన అపురూప గ్రంథాలు. ఇప్పుడుమీకు  'ఆధునిక భాషాశాస్త్ర సిద్ధాంతాలు' గ్రంథాన్ని అందిస్తున్నాము. 

                                      ఆధునిక భాషాశాస్త్ర సిద్ధాంతాలు

సూచనః 

తెలుగులో ఎన్నో గ్రంథాలను అందిస్తూ సేవ చేస్తున్న ఉచితగురుకులవిద్య వారి ఆండ్రాయిడ్ మొబైల్ ఆప్ ని దిగుమతి చేసుకొని, పుస్తకాలను చదువుకోండి. లంకె -

    

                    https://play.google.com/store/apps/details?id=freegurukul.org

మహాభారత విమర్శనము 2 Mahabharata Vimarshanam 2

మహాభారత విమర్శనము 2 Mahabharata Vimarshanam 2
పుట్టపర్తి నారాయణాచార్యులు

పుట్టపర్తి నారాయణాచార్యులు రచించిన మహాభారత విమర్శనము యొక్క రెండవ భాగం ప్రస్తుతం లభిస్తుంది.
ఆ అద్భుత విమర్శా గ్రంథాన్నిఇక్కడ పొందండి.

నిర్ణయ సింధువు NirnYa Sindhu

నిర్ణయ సింధువు NirnYa Sindhu

కమలాకర భట్టు Kamalakara Bhatta

కమలాకర భట్టు రచించిన నిర్ణయ సింధువు యొక్క ప్రథమ భాగం తెలుగు అనువాదంతో ప్రస్తుతం లభిస్తుంది.
ఆ అద్భుత ధర్మశాస్త్ర గ్రంథాన్నిఇక్కడ పొందండి.