మహా భారత కథలు Mahabharatha Kathalu

మహా భారత కథలు 

కాటమరాజుగడ్డ రామచంద్రరావు

 Mahabharatha Kathalu 

katamarajugadda Ramachandra Rao

తెలుగు వారికి అత్యంతపౄతి పాత్రమైనది భారతం. 'తింటే గారెలే తినాలి, వింటే భారతమే వినాలి" అనే సామెతకూడా ఉంది. అందుకే నన్నయ మొదటగా భారతాన్ని రాశాడు. 

శ్రీపాద సుబ్రహ్మణ్యశాస్త్రి కథలు Sripada Subrahmanya Shastry Kathalu

శ్రీపాద సుబ్రహ్మణ్యశాస్త్రి కథలు

 Sripada Subrahmanya Shastry Kathalu

సుబ్రహ్మణ్య శాస్రి 75 కథలు రాసారు. ఈయన కథలలో విషయాన్ని ప్రణయం, సంఘసంస్కారం, ప్రబోధం, కుటుంబజీవితం, అపరాధ పరిశోధనం, భాషావివాదాత్మకం, అవహేళనాత్మకం, చారిత్రకం అనే విషయాలుగా విభజించచ్చు. ఇవేకాక శ్రీపాద అనేక పద్య రచనలు, నవలలు,నాటకాలు,అనువాదాలు, వైద్య గ్రంథాలు కూడా రాసారు.

సాహిత్య పదకోశము Sahithya pada koshamu

సాహిత్య పదకోశము

 Sahithya pada koshamu

ఎన్నో ఏళ్ళక్రితం ప్రచురితమైన పుస్తకం ఇది. సాహిత్య విద్యార్థులకు ఉపయోగకరంగా ఉంటుంది. ఈ విధమైన సాహిత్యపదకోశాలు హిందిలో ఉన్నా తెలుగులో లేదనే లోటు లేకుండా తెలుగుఅకాడమీ వారు ప్రచురించారు చాలానాళ్ళక్రితం. అదృష్టవశాత్తు నాకు ఈ మధ్య తారసపడింది. ఈ పుస్తకంకోసం ఎన్నాళ్లనుండో తాపత్రయపడుతున్నాను. కానీ, దొరకడం లేదు. నేను గతంలో కొనుక్కున్న మూడు ప్రతులూ సాహితీపిపాసుకులైన మిత్రులెవరికో ఇచ్చాను. ఏమయితేనేం ఈ విధంగానైనా మనకు లభించేట్టు చేసిన ఆ అజ్ఞాత'ఈ'పుస్తకదాతకు శతకోటి నమస్కారాలు.

ఈ పుసకంలో సాహిత్య,నాటక,అలంకార విభాగాల్లో సాహిత్యశాస్త్ర పారిభాషికపదాలన్నీ అకారాదిక్రమంలో ఉన్నాయి. విద్యార్థులు, ఉపాధ్యాయులు .... ఈ పుస్తకాన్ని పొంది, ఆనందించాలని మా కోరిక.

దిగుమతి కొరకు లంకె .......

సాహిత్య పదకోశము Sahithya pada koshamu

- పై నొక్కండి.

ఈ టపాను మీ సాంఘికసంపర్కజాలంలో పంచుకొండి. ఇంకొందరికీ ఈ టపా ఉపయోగ పడుతుంది, మీరూ వారికి మేలు చేసినవారవుతారు. మీ రా పని చేస్తారనే నమ్మకంతో ముందుగానే ధన్యవాదాలు.

సమగ్ర ఆంధ్ర సాహిత్యం - Samagra Andhra Sahithyam ఆరుద్ర Arudra

సమగ్ర ఆంధ్ర సాహిత్యం - Samagra Andhra Sahithyam  

ఆరుద్ర Arudra

   గతంలో  ఆరుద్ర రచనలు, ఆరుద్ర నాటికలు పేరిట అంతర్జాలంలో లభిస్తున్న ఆరుద్రగారి రచనలను అందిచే ప్రయత్నం చేసింది తెలుగుపరిశోధన.  

    

    తెలుగు భాషాసాహితీ ప్రేమికులకు అపురూప గ్రంథాలను అందించే ప్రయత్నం నిరంతరం చేసే తెలుగుపరిశోధన గతంలో తెలుగు సాహిత్య చరిత్రకు సంబంధించిన గ్రంథాలను అందించే ప్రయత్నం చేసింది. అవి -

1. వీరేశలింగం పంతులు - కవుల చరిత్ర
2. కాశీనాథుని నాగేశ్వర్ రావు - ఆంధ్రవాఙ్మయ చరిత్ర
3. దివాకర్ల వేంకటావధాని - ఆంధ్ర వాఙ్మయ చరిత్ర
4. పింగళి లక్ష్మీకాంతం - ఆంధ్ర సాహిత్య చరిత్ర

ఇప్పుడు ఎంతో కాలంగా ఎదురుచూస్తున్న ఆరుద్రగారి అపురూప పరిశోధనాత్మక రచన ఈ సమగ్రాంధ్ర సాహిత్య గ్రంథాన్ని మీ ముందుకు తెస్తున్నాం. ఎప్పటిలాగానే ఈ గ్రంథాన్నీ ఆదరిస్తారని ఆశిస్తున్నాము.

ఈ గ్రంథాన్ని దిగుమతి చేసుకోవడానికి ........

సమగ్ర ఆంధ్ర సాహిత్యం - ఆరుద్ర

   లంకె పై నొక్కండి.

ఈ టపాను మీ సాంఘికసంపర్కజాలంలో పంచుకొండి. ఇంకొందరికీ ఈ టపా ఉపయోగ పడుతుంది, మీరూ వారికి మేలు చేసినవారవుతారు. మీ రా పని చేస్తారనే నమ్మకంతో ముందుగానే ధన్యవాదాలు.

తేనెపలుకుల అన్నమయ్య - డా.దేవగుప్తాపు సూర్యగణపతి రావు TenePalukula Annamayya - Dr.Devaguptapu SuryaGanapathi Rao

తేనెపలుకుల అన్నమయ్య - డా.దేవగుప్తాపు సూర్యగణపతి రావు TenePalukula Annamayya - Dr.Devaguptapu SuryaGanapathi Rao

  `తెలుగుపరిశోధన'ను అలమేలుమంగా సమేతుడైన శ్రీవేంకటేశ్వర స్వామి వారు అనుగ్రహించదలచారు. అందుకే తనకు ఇష్టమైన అన్నమయ్యకీర్తనలనే తేనెల గంగాప్రవాహాన్ని దేవగుప్తాపు సూర్యగణపతి రావు గారనే భగీరథుని వెంట ఇక్కడినుండి ప్రవహింపజేయ సంకల్పించారు.

"తెలుగును తెలియాలంటే అన్నమయ్యను చదివి తీరాల్సిందే" అన్న రాళ్ళపల్లి అనంతకృష్ణ శర్మ గారి పలుకులను ఈ సందర్భంగా మనం గుర్తుతెచ్చుకోవాలి.  ఒక రెండు నిమిషాలపాటు అన్యదేశ్యాలు లేని తెలుగు మాట్లాడడం ఎంతో కష్టమైన ఈ రోజుల్లో, పనిగట్టుకొని  దేశభాషాసంస్కృతులను రూపుమాపే ప్రయత్నాలు జరుగుతున్న రోజుల్లో, ఒక్కసారి తేనెలూరే తేటతెనుగును మనం అర్థం చేసుకునేందుకు సహకరిస్తున్న డా.దేవగుప్తాపు సూర్యగణపతి రావు గారికి కృతజ్ఞతాభివందనాలు.

డాక్టరుగారు వృత్తిరీత్యా రేడియాలజిష్టు. ప్రవృత్తిరీత్యా వ్యాఖ్యాత. వారి దృష్టి సామాన్యుల దృష్టికంటే భిన్నమైనదనేది గతంలో 'పాండురంగమాహాత్మ్యం'కు వారి రసజ్ఞవ్యాఖ్య నిరూపించింది. ఇప్పుడు అన్నమయ్య పలుకుబళ్ళను మనకు పరిచయంచేస్తున్నారు. వారి వ్యాఖ్య లేకుంటే పాండురంగవిభుని పదగుంభనంకాని, ఈ 'తేనెపలుకుల అన్నమయ్య'  వ్యాఖ్య లేకుంటే, తెలుగుభాషను మరిచే ప్రయత్నం చేస్తున్న మనకు, అన్నమయ్య అచ్చమైన తెలుగుకాని, జాతీయాలు కాని అర్థంకావడం కష్టమేనేమో! 

అలనాడు వేంకటేశ్వర స్వామి జగన్మోహినిగా దేవతలకు సముద్రాన్ని చిలుకగా వెలువడిన అమృతం పంచిపెడితే, నేడు సూర్యగణపతులవారు అన్నమయ్య కీర్తనా సముద్రాన్ని చిలుకగా వచ్చిన తెలుగుభాషామృతాన్ని తెలుగుభాషాభిమానులకు అందిస్తున్నారు.

మీరిక్కడే చదువదలిస్తే ........

తేనె పలుకుల అన్నమయ్య by Dr.Pandu Ranga Sharma Ramaka on Scribd

మీరెక్కడైనా, ఎప్పుడైనా చదువుకుందామని పుస్తకాన్ని పొందగోరితే ........

    తేనెపలుకుల అన్నమయ్య

పై నొక్కండి.


ఈ టపాను మీ సాంఘికసంపర్కజాలంలో పంచుకొండి. ఇంకొందరికీ ఈ టపా ఉపయోగ పడుతుంది, మీరూ వారికి మేలు చేసినవారవుతారు. మీ రా పని చేస్తారనే నమ్మకంతో ముందుగానే ధన్యవాదాలు.

శ్రీశ్రీ రచనలు SriSri Rachanalu

శ్రీశ్రీ రచనలు 

SriSri Rachanalu

శ్రీశ్రీ

శ్రీశ్రీ గురించి తెలుగువాడికి పరిచయం చేయబూనడం హాస్యాస్పదం కాబట్టి అటువంటి సాహసానికి ఒడిగట్టను. కాని, ఒక్కటి మాత్రమ్ ఒప్పుకోక తప్పదు - 

 ఇన్నాళ్ళూ వారి రచనలు ఈ తెలుగుపరిశోధనలో చేరకపోవడం పెద్ద పొరపాటే(తప్పే?)" అని. ఏమయితేనేం ఇన్నాళ్ళకైనా తెలిసి వచ్చింది, సంతోషం.

అంతర్జాలంలో లభించే శ్రీశ్రీ రచనలను అందించే ప్రయత్న మిది. కొన్ని రచనలు తెలుగు వికీసోర్స్ లో కూడా లభిస్తున్నాయి.

మీకు కావాల్సిన పుస్తకం పేరుపై నొక్కండి. దిగుమతి పుటకు వెళతారు.

1. మహా ప్రస్థానం
2. మహా ప్రపంచం
3. మరో ప్రపంచం
4. ఖడ్గ సృష్టి
5. ప్రభవ 
6. అనంతం (ఆత్మకథ-నవల)
7. సంపెంగ తోట
8. అమ్మా (అనువాద నాటికలు)
9. పాడవోయి భారతీయుడా (సినిమా పాటలు)
10. విశాలాంధ్రలో ప్రజా రాజ్యం
11. అగ్నిజ్వాల,ఉక్కు పిడికిలి (సినిమా పాటలు)

ఈ టపాను మీ సాంఘికసంపర్కజాలంలో పంచుకొండి. ఇంకొందరికీ ఈ టపా ఉపయోగ పడుతుంది, మీరూ వారికి మేలు చేసినవారవుతారు. మీ రా పని చేస్తారనే నమ్మకంతో ముందుగానే ధన్యవాదాలు.

బాల బోధిని ( 3 భాగాలు) కాశీ కృష్ణాచార్యులు Balabodhini (3 Parts)

బాల బోధిని ( 3 భాగాలు) కాశీ కృష్ణాచార్యులు  Balabodhini (3 Parts)Kasi Krishnacharyulu

    తెలుగు వారికి సంస్కృతం నేర్చుకోవాలనే కోరిక పుడితే, ఏ గురువు లేకున్నా స్వయంగా పాఠాలు చదువుకుని, సంస్కృతం మాట్లాడవచ్చు - ఈ బాలబోధినీ మూడు భాగాలు నేరిస్తే. దానికి గాను కాశీ కృష్ణాచార్యులుగారు వేసుకున్న ప్రణాళిక ఎంత అద్భుతంగా ఉందో చదివినవారికే తెలుస్తుంది. 

    ఈ బాలబోధినీ అంతర్జాలంలో దొరకడం ఎంతో అపురూపం. మార్కెట్టులోనూ దొరుకుతున్నట్లుంది. ప్రతులు చెల్లక ముందే, మీ ప్రతిని భద్రపర్చుకొండి. తర్వాతి తరాలకు మనం అందించే గొప్ప కానుక.

దిగుమతికోసం .........

1. బాల బోధిని - ప్రథమ భాగం (అన్ని పుటలు కలిగినది)
2. బాల బోధిని - ద్వితీయభాగం
3. బాల బోధిని - తృతీయభాగం

                                         .............. లపై నొక్కండి.

ఈ టపాను మీ సాంఘికసంపర్కజాలంలో పంచుకొండి. ఇంకొందరికీ ఈ టపా ఉపయోగ పడుతుంది, మీరూ వారికి మేలు చేసినవారవుతారు. మీ రా పని చేస్తారనే నమ్మకంతో ముందుగానే ధన్యవాదాలు.

మల్లాది సూర్యనారాయణ శాస్త్రి రచనలు Malladi Suryanarayana Shastri Rachanalu

మల్లాది సూర్యనారాయణ శాస్త్రి రచనలు Malladi Suryanarayana Shastri Rachanalu

ఈయన తల్లి వేంకమాంబ,తండ్రి శ్రీరామావధానులు.వీరి జన్మస్థలము చినకడియపులంక (దీనికి బుర్రిలంక-మల్లాదివారిలంక యని నామాంతరములు). వీరు ఫిబ్రవరి 20 1880 న అనగా ప్రమాది నామ సంవత్సర మాఘ శుద్ధ దశమి నాడు జన్మించారు. మహాపండితులు చర్ల బ్రహ్మయ్యశాస్త్రి వద్ద వ్యాకరణశాస్త్రాధ్యయనము చేశారు. స్వయంకృషితో ఉభయభాషావిశారదులై 1900లో అమలాపురము హైస్కూలులో ఉపాధ్యాయులుగా నాలుగు సంవత్సరాలు పనిచేశారు. తర్వాత ఆంధ్రసాహిత్యపరిషత్తు వ్యవహర్తగా నొకయేడు ఉద్యోగం నిర్వహించారు. 1915లో రాజమండ్రి ట్రైనింగుకాలేజిలో అధ్యాపకుడిగా పనిచేశారు. అటు తర్వాత అనంతపురము దత్తమండల కళాశాలలో  మూడేండ్లు అధ్యాపకుడిగా పనిచేశారు. మరల రాజమహేంద్రవరముఆర్ట్సు కాలేజిలో 1919 - 1931 నడుమ పండ్రెండు వత్సరములు తెలుగు పండితులుగా ఉద్యోగం చేశారు. అక్కడినుండి ఆంధ్ర విశ్వవిద్యాలయ కళాశాలలో పదియేండ్లపాటు పనిచేశారు. మొత్తముమీద నాలుగుదశాబ్దులు పఠనపాఠనములలో వీరు ఆరితేరారు. ఈలోపుననే వీరు కొన్ని గౌరవోద్యోగములు నిర్వహించిరి. వేంకటగిరి రాజావారి సంస్థాన కవితాపదవి 1909 - 1919 మధ్య, జటప్రోలు సంస్థానవిద్వత్ స్థానము 1910 - 1917 నడుమ నిర్వహించారు. నారయ్యప్పారావు సంస్థాన విద్వత్కవిత్వ పట్టము 1919 - 1926 నడుమ నడిపినారు. ఈవిధముగా సంస్థానకవులై,  ఉపాధ్యాయులై అంతేవాసులకెందఱకో విద్యాభిక్ష పెట్టారు.

గ్రంథములు[మార్చు]

1. సంస్కృతవాజ్మయచరిత్ర (2 భాగములు). ఆంధ్రవిశ్వకళా పరిషత్ ప్రచురణములు.                                      1. వైదిక భాగము.                                                                                                                                  2. లౌకిక భాగము
2. ఆంధ్రభాషానుశాసనము (2 భాగములు. చరిత్రాత్మకవ్యాకరణము)
3. ఆంధ్రదశరూపకము (తెనుగుసేత)
4. భాసనాటక కథలు (వచనము 2 భాగములు)
5. ప్రేమ తత్త్వము (స్వతంత్ర పద్యకావ్యము)
6. ఉత్తరరామచరిత్ర (ఆంధ్రీకృతి)
7. భీష్మప్రతిజ్ఞ (స్వతంత్రనాటకము)
8. ఆంధ్రభవిష్యపర్వము (పద్యప్రబంధము)
9. భవభూతినాటక కథలు
10. విదురనితి
11. స్త్రీధర్మబోధిని
12. సత్యకీర్తినాటిక
13. కలివిడంబనము
14. మహాభారత విమర్శనము
15. సత్యకీర్తి
16. విశ్రుతోర్వశీయము
17. వ్యాసరత్నావళి
18. సంస్కృత కవి జీవితము
19. మాలతీ మాధవము

సంస్కృతరచనములు[మార్చు]

1. బ్రహ్మసూత్రార్థదీపిక
2. రజోనన్తర వివాహము
3. సంస్కృతభాషా (ఇవి షష్టిపూర్తి సంపుటములో ముద్రితములు) అనేక పత్రికలలో వ్యాస రచనలు.
4. పండితాభిప్రాయ మణిమాలిక

సాహితీ రంగంలో సేవలు

వీరు సంస్కృతాంధ్రములయందు గావలసినంత నికరమైన పాండిత్యము గలవారు. ఈ పాండిత్యమునకు దీటయినది వారికి గల యభినివేశము. సంస్కృతవాజ్మయ చరిత్ర, ఆంధ్రభాషానుశాసనము మున్నుగా వారు రచించిన కృతులు శాస్త్రిగారి పట్టుదలను బ్రదర్శించుటకు బట్టుగొమ్మలయినవి. ఆయనకు కవిగానున్న కీర్తికంటె, అధ్యాపకుడుగా విమర్శకుడుగానున్న పేరుపెంపులు పెద్దవి. వీరు అనువాదములేకాక స్వతంత్రరచనలు కూడ కావించిరి. వీరి కృతులన్నియు పాఠ్యములుగా నిర్ణయింపబడ్డాయి. 'సంస్కృత వాజ్మయచరిత్ర' వీరిది శాశ్వతముగా నుండ దగినగ్రంథము. ఒకదశాబ్దము చేసిన నిరంతరకృషి ఫలము. వైదికవాజ్మయము, లౌకికవాజ్మయము అని రెండుభాగములుగా ఈ గ్రంథము విభజింపబడి వ్రాయబడినది. ఆంగ్లములో ఇదివఱకు సంస్కృతవాజ్మయ చరిత్రమున కల పొరపాటులు పేర్కొని, మనోహరము నిర్గుష్టము అయిన ఫక్కిలో వీ రీ గ్రంథమును రచించిరి. వెంకటగిరి సంస్థానాధిపతుల ప్రోత్సాహముచే "సంస్కృత కవిజీవితములు" తెనుగులో రచించి వెలువరించిరి. ఈరెండు గ్రంథములు వీరికి కీర్తిప్రతిష్టలను తెచ్చిపెట్టింది. పింగళి సూరనార్యుని 'కళాపూర్ణోదయము' ముద్రణదోషములతోను, విరుద్ధపాఠభేదములతోను నుండి యర్ధావగతికి గష్ట పెట్టుచున్నదని వీరు పరిశ్రమించి, పాఠభేదములు గుర్తించి సరిచేసి భావప్రకాశిక యను టీకతో, ఆమహాకావ్యమును లెస్సయగు తీరులోనికి గొనితెచ్చిరి. ఇది ముద్రింపించినవారు పీఠికాపురాధీశ్వరులు. వీరు ఆంధ్రవిశ్వకళా పరిషత్తు సెనేట్, అకడమిక్కు కౌన్సిలు, ఓరియంటల్ ఫాకల్టీ మొదలగువానిలో సభ్యుడై పండితులకు సంస్కృతాంధ్రములకు సంబంధించిన తీర్మానములు తెచ్చెడివారు. 1927 సం.లో వీరి అధ్యక్షతన ప్రారంభమైన "ఉపాధ్యాయ పండిత పరిషత్తు" నేడు తెలుగునేలలో నలుమూలల ప్రాకి ప్రభుత్వము వారిచే గొన్ని ఉపయోగములు చేయించుకొన్నది. 'ఆంధ్ర భాషానుశాసనము' అనుపేరుగల వీరి వ్యాకరణగ్రంథమునకు గొప్పప్రతిష్ట వచ్చినది.

ఈ టపాను మీ సాంఘికసంపర్కజాలంలో పంచుకొండి. ఇంకొందరికీ ఈ టపా ఉపయోగ పడుతుంది, మీరూ వారికి మేలు చేసినవారవుతారు. మీ రా పని చేస్తారనే నమ్మకంతో ముందుగానే ధన్యవాదాలు.