భాషా శాస్త్ర గ్రంథాల సంగ్రహం Collection of books of Linguistics

తెలుగులో (అంతర్జాలంలో) లభిస్తున్న భాషా శాస్త్ర గ్రంథాలను ఒకే దగ్గర చేర్చే ప్రయత్నం తెలుగు పరిశోధన చేసింది. అవసరమున్న విద్యార్థులు, ఆచార్యులు దిగుమతి చేసుకుని ఆనందించండి.

భాషా శాస్త్ర గ్రంథాల సంగ్రహం Collection of books of Linguistics 

 ఈ టపాపై మీ వ్యాఖ్య తప్పక రాస్తారు కదూ? మీ వ్యాఖ్యలే మాకు మంచి ప్రోత్సాహకాలు. ఈ టపాను మీ సాంఘికసంపర్కజాలంలో పంచుకొండి. ఇంకొందరికీ ఈ టపా ఉపయోగ పడుతుంది, మీరూ వారికి మేలు చేసినవారవుతారు. మీ రా పని చేస్తారనే నమ్మకంతో ముందుగానే ధన్యవాదాలు.

ఆధునిక భాషాశాస్త్ర సిద్ధాంతాలు Adhunika Bhasha Shastra Siddhantalu

ఆధునిక భాషాశాస్త్ర సిద్ధాంతాలు

 Adhunika Bhasha Shastra Siddhantalu

Dr.పి.యస్.సుబ్రహ్మణ్యం Dr.P.S.Subrahmanyam

Dr.పి.యస్.సుబ్రహ్మణ్యం జగమెరిగిన  భాషాశాస్త్రపండితులు. వారు తెలుగులో అందించిన రెండు అపురూపగ్రంథాలు -

1. ఆధునిక భాషాశాస్త్ర సిద్ధాంతాలు
2. ద్రావిడభాషలు

ఇందులో మొదటి గ్రంథాన్ని  మేము మీకు అందిస్తున్నాము. రెండవపుస్తకం అంతర్జాలంలో లభించడం లేదు.

అన్నట్టు, ఈ రెండుపుస్తకాలను తెలుగువిశ్వవిద్యాలయంవారు ముద్రించి అమ్ముతున్నారు. మీరూ ఒకప్రతి కొని పెట్టుకొండి. లేదంటే, అవి దొరకనప్పుడు బాధ పడతారు.

ఈ పుస్తకాలను తెలుగు భాషాసాహిత్యాభిమానులు,భాషాశాస్త్రాభిమానులు,విద్యార్థులు, పోటీ పరీక్షల్లో పాల్గొనేవారు, ఉపాధ్యాయులు..... ఒకమాటలో చెప్పాలంటే, ప్రతి యింట ఉండదగిన అపురూప గ్రంథాలు. ఇప్పుడుమీకు  'ఆధునిక భాషాశాస్త్ర సిద్ధాంతాలు' గ్రంథాన్ని అందిస్తున్నాము. 

                                      ఆధునిక భాషాశాస్త్ర సిద్ధాంతాలు

సూచనః 

తెలుగులో ఎన్నో గ్రంథాలను అందిస్తూ సేవ చేస్తున్న ఉచితగురుకులవిద్య వారి ఆండ్రాయిడ్ మొబైల్ ఆప్ ని దిగుమతి చేసుకొని, పుస్తకాలను చదువుకోండి. లంకె -

    

                    https://play.google.com/store/apps/details?id=freegurukul.org

Dr.అంబడిపూడి నాగభూషణం రచనలు Dr.Ambadipudi Nagabhushanam

Dr.అంబడిపూడి నాగభూషణం రచనలు Dr.Ambadipudi Nagabhushanam

ప్రసిద్ధ వ్యాకరణశాస్త్ర పండితులు, భాషాశాస్త్రవేత్త, ఆచార్యులు అంబడిపూడి నాగభూషణంగారి వ్యాకరణ రచనలు లభిస్తున్నాయి. వాటిని చదవడంవల్ల మన భాషా జ్ఞానం పెరుగుతుంది. చక్కని సంప్రదింపు గ్రంథాలు. దిగుమతి చేసుకుని, ఆనందించండి.

భాష - ఆధునిక దృక్పథం Bhasha Adhunika Drikpatham

భాష - ఆధునిక దృక్పథం

 Bhasha Adhunika Drikpatham

డా. పోరంకి దక్షిణా మూర్తి Dr.Poranki Dakshina murthi

డా. పోరంకి దక్షిణా మూర్తి గారు వ్యావహారిక భాషా రచన గురించి వ్రాసిన వివిధ వ్యాసాలు ఈ పుస్తకంలో చదువుకోవచ్చు. ఈ అపురూప గ్రంథాన్ని ఇక్కడ పొందండి.

భాషా చారిత్రక వ్యాసావళి Bhasha Charitraka Vyasavali

భాషా చారిత్రక వ్యాసావళి 

Bhasha Charitraka Vyasavali

తూమాటి దొణప్ప Tumati Donappa

ఆచార్య తూమాటి దొణప్పగారు  రచించిన భాషా చారిత్రకవ్యాసాల సంపుటి.

కౌముదీ శరదాగమనము Kaumudi Sharad Agamanamu

కౌముదీ శరదాగమనము

                Kaumudi Sharad Agamanamu
        
           శ్రీ అప్పల్ల జోగన్న శాస్త్రి గారు Shri Appanna Joganna Shastri


సుప్రసిద్ధ వైయాకరణి శ్రీ అప్పల్ల జోగన్న శాస్త్రి గారు తెలుగువారిని అనుగ్రహించదలచి, సంస్కృతంలో భట్టోజీ దీక్షితులవారు రచించిన వైయ్యాకరణ సిద్ధాంత కౌముదీ గ్రంథానికి తెలుగులో వ్యాఖ్యానంతో (సమాస ప్రకరణం వరకు) అందించారు. ఆ అద్భుత గ్రంథాన్ని తెలుగువారికి అందించగలిగి తెలుగు పరిశోధన గర్విస్తుంది.

ఆంధ్రభాషా వికాసము Andhra Bhasha Vikasam

ఆంధ్రభాషా వికాసము 

Andhra Bhasha Vikasam

గంటిజోగి సోమయాజి Gantijogi Somayaji

ఆచార్య గంటిజోగి సోమయాజి గారు తెలుగుభాషగురించి, ద్రవిడ భాషల్లో తెలుగు స్థానం గురించి...... అన్ని విషయాలను వారు పాఠం చెప్పిన అనుభవంతో వ్రాసిన గ్రంథ రత్నమిది.

తెలుగు వ్యాకరణాలపై సంస్కృత ప్రాకృత వ్యాకరణాల ప్రభావం Influence of Sanskrit& Prakrit Grammars on Telugu Grammars

తెలుగు వ్యాకరణాలపై 

సంస్కృత ప్రాకృత వ్యాకరణాల ప్రభావం

Influence of Sanskrit& Prakrit Grammars on Telugu Grammars 

ఆచార్య బేతవోలు రామబ్రహ్మం Betavolu Rama Brahmam

Betavolu Ramabrahmam

తెలుగు ద్రావిడ భాష ఐనప్పటికీ తెలుగుసాహిత్యంపై సంస్కృత ప్రభావం ఎంతటిదో అందరికీ తెలుసు. అసలు తెలుగులో గ్రంథ రచన ప్రారంభమైందే సంస్కృత వ్యాసభారత అనువాదంతో. ఇక వ్యాకరణ విషయానికి వస్తే మన వ్యాకర్తలు ఉపయోగించినది సంస్కృత వ్యాకర్తల ప్రణాలికలే, వారి పారిభాషిక పదాలే. ఇంకా ఏమేమున్నాయో పరిశోధించి అందజేసారు బేతవోలు రామబ్రహ్మం గారు తమ నాగార్జున విశ్వవిద్యాలయానికి సమర్పించిన Ph.D. సిద్ధాంతవ్యాసగ్రంథంలో. ఆ విశిష్ట గ్రంథమే ఇది.

ప్రౌఢ వ్యాకరణ ఘంటాపథము Praudha Vyakarana Ghanta patham

ప్రౌఢ వ్యాకరణ ఘంటాపథము

 Praudha Vyakarana Ghanta patham

వంతరాం రామ కృష్ణా రావు  Vantaraam Rama Krishna Rao 

ముక్త లక్షణ కౌముదీ కారులైన వంతరాం వారు ఘంటాపథమను పేర వ్యాఖ్యానం వ్రాసారు. ఆ విశిష్ట గ్రంథమే ఇది.
ఈ పుస్తకం వ్యాకరణాధ్యేతలకు ఉపయోగకరం.

బాల ప్రౌఢ వ్యాకరణ విశ్లేషణాత్మక అధ్యయనం Analytical Study Of Bala & Praudha Vyakaranas

బాల ప్రౌఢ వ్యాకరణ విశ్లేషణాత్మక అధ్యయనం

Analytical Study Of Bala & Praudha Vyakaranas 

ఆచార్య హరి శివ కుమార్  Prof. Hari Shiva Kumar

బాల ప్రౌఢ వ్యాకరణాల విషయాంశాలను అధ్యయనం చేయాల్సిన పద్ధతిని, సులువుగా అర్థమయ్యేట్టు హరిశివ కుమార్ గారు చక్కగా నిరూపించారు. ఈ పుస్తకం వ్యాకరణాధ్యేతలకు ఉపయోగకరం.

బాలవ్యాకరణ సూక్తులు 3 Bala Vyakarana Suktulu

బాలవ్యాకరణ సూక్తులు 3

 Bala Vyakarana Suktulu 3

డా. అంబడిపూడి నాగభూషణం Dr. Ambadipudi Naga Bhushanam

ప్రముఖ వ్యాకరణాచార్యులు డా. అంబడిపూడి నాగభూషణంగారు బాలవ్యాకరణానికి ఉన్న రెండు ప్రముఖ వ్యాఖ్యానాలైన ఉద్ద్యోతం, సంజీవనీ లలోని విషయాలను పరామర్శిస్తూ వ్రాసిన గ్రంథమిది. ఇది మూడు భాగాలుగా వెలువడగా ప్రస్తుతం మన తెలుగుపరిశోధనలో ప్రథమ,తృతీయ భాగాలు మాత్రమే లభిస్తున్నాయి.

బాలవ్యాకరణ సూక్తులు 1 Bala Vyakarana Suktulu

బాలవ్యాకరణ సూక్తులు 1 

Bala Vyakarana Suktulu 1

డా. అంబడిపూడి నాగభూషణం Dr.Ambadipudi Nagabhushanam

ప్రముఖ వ్యాకరణాచార్యులు డా. అంబడిపూడి నాగభూషణంగారు బాలవ్యాకరణానికి ఉన్న రెండు ప్రముఖ వ్యాఖ్యానాలైన ఉద్ద్యోతం, సంజీవనీ లలోని విషయాలను పరామర్శిస్తూ వ్రాసిన గ్రంథమిది. ఇది మూడు భాగాలుగా వెలువడగా ప్రస్తుతం మన తెలుగుపరిశోధనలో ప్రథమ,తృతీయ భాగాలు మాత్రమే లభిస్తున్నాయి.

ప్రౌఢ వ్యాకరణ దిగ్దర్శిని Praudha vyakarana Dig darshini

ప్రౌఢ వ్యాకరణ దిగ్దర్శిని
              Praudha vyakarana Dig darshini
     డా. అంబడిపూడి నాగభూషణం Dr. Ambadipudi Nagabhushanam

తెలుగులో వ్యాకరణంలో చిన్నయ సూరి రచించిన బాల వ్యాకరణం ప్రసిద్ధం. దాని తర్వాత వారి శిష్యులు బహుజనవల్లి సీతా రామా చార్యులవారు రచించిన ప్రౌఢవ్యాకరణం ప్రసిద్ధం. బాల వ్యాకరణం లో చెప్పగా విడిచిన విషయాలను చెప్పడానికి, అందులో చెప్పిన విషయాల సవరణకూ తాను ఆ గ్రంథం ప్రారంభించానని చెబుతారు ఆచార్యుల వారు.

ఈ వ్యాకరణ గ్రంథం పేరుకు తగినట్లుగా ప్రౌఢం. సులువుగా అర్థమయ్యేది కాదు. అటువంటి ఈ గ్రంథానికి ప్రసిద్ధ వ్యాకరణ పండితులు బాలవ్యాకరణ సూక్తులు గ్రంథ రచయిత డా. అంబడిపూడి నాగభూషణం గారు దిగ్దర్శిని వ్యాఖ్యతో విద్యార్థులకు ఉపకారం చేసారు. ఇందులో ప్రతిసూత్ర వ్యాఖ్య లేకున్నా, అవసరమైన అన్ని సూత్రాలనూ వ్యాఖ్యానించారు.

బాల వ్యాకరణం Bala vyakaranam

బాల వ్యాకరణం (బాలవ్యాకరణ సారస్య సర్వస్వ సహితం)

Bala Vyakaranam (with commentary )

Chinnaya Suri

చిన్నయ సూరి వ్యాకరణానికి దూసి రామమూర్తి శాస్త్రి గారి బాలవ్యాకరణ సారస్య సర్వస్వ సహితం గా ఇక్కడ మీకు అందిస్తున్నాము.

తెలుగు భాషా చరిత్ర History of Telugu language

తెలుగు భాషా చరిత్ర History of Telugu language Telugu Bhasha Charitraసేకరణ- భద్రిరాజు కృష్ణమూర్తి

 Bhadriraju Krishna Murti  తెలుగులో వెలువడిన మొట్టమొదటి తెలుగు భాషా చరిత్ర ఇది.
తెలుగు, తెనుగు, ఆంధ్రం అనే పదాల పుట్టుక మొదలుకొని ఆధునిక కాలంలోని వ్యావహారిక వాదం, మాండలికాలు వరకు తెలుగు భాషలో వచ్చిన రకరకాలైన మార్పులను ఈ గ్రంథం లో మీరు చదువ వచ్చు. ఇది విద్యార్థులకు, కవులకు,పండితులకు, భాషా ప్రియులకు, పరిశోధకులకు అత్యంత ఉపయోగకరం. ఈ పుస్తకాలని పి.డి.ఎఫ్ లో దిగుమతి చేసుకుని మీ టాబ్లెట్ పి.సి.లో/మొబైల్ లో/ల్యాప్టాప్ లో వేసుకుని చదుకొని, ఆనందించండి.